【一舞傾城】鄺潔楹新劇慘被SM Judy住獨立屋擁3瓣生意成「哈比女強人」【多圖】
發布時間： 2023/05/25 13:07
最後更新： 2023/05/29 11:30
▲ 鄺潔楹在《一舞傾城》中慘被SM性虐至周身傷。
TVB劇集《一舞傾城》播出一個星期多，除了大晒鹽花，更玩重口味情節。昨晚上演一場鄺潔楹（Judy）飾演細細粒，因與Money（文凱玲飾）信錯貼士，買外圍馬輸得慘烈留下一街數。
細細粒有感連累Money，義氣女的她獨攬上身，為還清巨債不惜出賣身體，陪練馬師大魯生上遊艇玩SM性虐待。
【一舞傾城】TVB出動9大女演員撼《造星V》 陳法蓉演媽媽生陳星妤造型百變
最新影片推介：林夏薇專訪
慘被SM至傷痕累累
細細粒穿上「戰衣」被綁在床上，房間周圍擺滿性虐用具及蠟燭，畫面充滿《格雷的五十道色戒》的感覺。
練馬師蒙面兼穿上重口味裝束，一進房即用水槍射細細粒的臉部，更拿出馬鞭狂鞭她，從畫面所見，鄺潔楹表情極痛苦。
不過，SM情節點到即止，二人甚至沒有身體接觸，但意識就相當大膽。
「我係一個幾冇自信嘅演員...」
Judy接受TOPick訪問，表示看過劇本得悉有這場戲後，一度感到緊張：「初時有啲擔心，但知道拍出嚟效果點到即止，始終電視尺度有限。」直言意識和形態上，是其入行多演過最大尺度的角色。
她指演過這場戲後，為「細細粒」感到心痛：「反而令到呢個角色有血有肉，每一個小姐都有自己故事、難處。So far頭6、7集只見到細細粒係一個專呃老男人錢，好多有小古惑、純粹貪錢嘅一個小姐。去到上一集同呢集睇到，佢係一個重情重義嘅人，係最細粒，但係義氣係最勁！希望觀眾睇完會記得呢個角色，同埋心痛佢出嚟做小姐嘅原因。」
Judy表示昨晚忙於為新劇《News新聞女王》拍通宵，未能坐在電視機前欣賞：「由拍完到知道套劇剪好，都有問導演覺得點。我其實係一個幾冇自信嘅演員，始終經驗唔豐富。導演話剪完都睇到好心痛，我覺得係客氣說話。到尋晚出街到今日，睇到好多訊息，同埋唔同網友嘅評價，今次算係大家對我有另眼相看嘅感覺。以往角色比較搞笑、輕鬆，今次冇諗鄺潔楹原來可以做到呢類型戲，唔係指性感戲，係崩潰嗰場戲，令大家對我有少少印象。」
2千呎獨立屋曝光
但在現實中，現年30歲的鄺潔楹現實中是家境富裕的「富二代」，居住大埔淺月灣2千呎獨立屋，疫情期間曾拍片分享家居日常，令豪宅內部環境曝光。
廚房空間極大，除了有雙門雪櫃，大到可以容納一張餐枱，還擺放一部大電視，似足外國式廚房；而客廳的梳化大到可以讓Judy翻筋斗。
豪宅擁有不少戶外空間，超大私人花園可以邀請親友燒烤，而天台景色怡人，可看到周圍全是獨立屋。
她曾在節目《我要做業主2》中承認自己「贏在起跑線」，得到父母的幫助，畢業後與胞兄一同以900萬購入跑馬地舊樓，首次置業成為業主。
【新四十二章】鄺潔楹細細粒志向大 「哈比」女強人事業為重：有精力就想去衝【有片】
為3間公司老闆
Judy父母經營傢俬生意，但她未有倚靠父蔭，靠自己努力入行當演員。憑節目《3日2夜》、《學是學非》以及處境劇《愛·回家之開心速遞》內Venus一角成功入屋，現時成為大台重用的上位小花。
Judy早於中學階段已到美國留學，直到2014年於西雅圖大學經濟學畢業後回流返港。
其後與胞兄以900萬購入跑馬地舊樓，上車成為業主，據知至今市值已過千萬。
別看Judy細細粒，其實志向甚大，內藏一顆女強人的事業心。
在2021年，她創立自家甜品店品牌Petite sserie及經營時裝網店，同年更與藝人伍富橋合資開設健身中心，成為3瓣生意的老闆，涉獵範疇甚廣。
記者：馮雪怡
《一舞傾城》Judy被虐片段：
精彩獎賞活動等您發掘：https://bit.ly/3ClEy1R
